Гісторыя тваёй краіны

Беларусы. Адкуль мы? Чым слаўныя ў свеце? Якія рэкі і вазёры напаўняюць моцам нашую краіну? Якія гарады былі сталіцай і чаму? Што такое курган і хто такі Ярыла? На гэтыя пытанні мы будзем разам шукаць адказы, а таксама даведаемся, хто з вас самы актыўны, дапытлівы і разумны, хто любіць і паважае сваю гісторыю.
Перапынкі і пытанні на пачатку кожнага занятку дапамогуць засвоіць веды.
Каштоўна для аўтараў, каб дзеці ў выніку адукацыйнай прыгоды ўсьвядомілі і запомнілі назаўжды сваю адметнасьць, адрознасьць ад іншых і еднасьць з сваймі, з гісторыяй і спадчынай Беларусі.

Важна, каб курс праходзілі дзеткі, якія жывуць з бацькамі па-за межамі Беларусі, бо гэта і на іх плечох спачывае адказнасьць за нашае заўтра, за мейсца радзімы пад сонцам і на мапе.
Час праходжаньня курсу – 4 тыдні. Раім тэмп – два заняткі на тыдзень. Добрай прыгоды!