( 0 Агляд(аў) )

Эпоха небяспечнага натхнення. Мастацтва Беларусі 1920-х гадоў

( 0 Агляд(аў) )

Узровень курсу

Сярэдні

Працягласць

20h

Відэа-ўрокі

23

Пачаць навучанне

Змест курса

Аб курсе
Курс “Мастацтва Беларусі 1920х гадоў” - гэта ваш першы крок у захапляльнай па бязмежных прасторах маладога беларускага мастацтва, што было народжана магутным крэатыўным культурным выбухам, справакаваным маштабнымі сацыяльнымі, эканамічнымі і светапогляднымі зменамі супярэчлівай міжваеннай эпохі. Кожны з модуляў курса складаецца з чатырох частак: - 1) кароткае відэа, у якім сцісла ахарактаразаваны адзін з відаў мастацтва ў гістарычным ракурсе, 2) спасылку на сервіс для стварэння асноўных ключавых слоў і персаналій азначанага мастацкага кірунка, 3) бібліятэка медыярэсурсаў па тэме модуля, 4) кароткі тэст для самаправеркі па матэрыялах модуля. Напрыканцы курса вы пройдзеце агульны тэст па ўсіх модулях. Мэтавая аўдыторыя курса - вучні старэйшых класаў школы, а таксама дарослыя, якія ўпершыню знаёмяцца з гісторыяй беларускай мастацкай культуры. Мэта - даць пачатковыя веды па агульных тэндэнцыях і кірунках развіцця беларускага мастацтва “новага часу”. Пасля вывучэння матэрыялаў курса вы: Даведаецеся аб асноўных кірунках развіцця мастацкай думкі 1920х гадоў ХХ стагоддзя; Атрымаеце спісы ключавых паняццяў і персаналій, якія спросцяць самастойны пошук па тэме; Пазнаёміцеся з набыткам даследчыкаў па асноўных пытаннях тэмы; Навучыцеся арыентавацца з пярэстым сусвеце беларускага міжваеннага мастацтва; Знойдзеце свой улюбёны мастацкі кірунак, у якім зможаце развівацца самастойна. На вывучэнне тэмаў курса вам спатрэбіцца каля 8 тыдняў (адзін модуль на тыдзень).

Вітаем на курсе

00:48

Дваццатыя гады ХХ стагоддзя ў гісторыі Беларусі. Кароткі экскурс
Змест матэрыялаў гэтага модуля дапаможа вам зразумець вытокі таго нечуванага харызматычнага выбуху талентаў, кірункаў, ідэй, твораў, якім адметныя беларускія дваццатыя гады ХХ стагоддзя: мы і па сёння знаходзімся ў тым самым полі пошукаў, якое сфармавалася і расквітнела сто год таму на беларускіх палетках, выпаленых войнамі, рэвалюцыяй і акупацыяй. Адкуль узяліся і чым натхняліся ўсе тыя зоркі, якія і цяпер упрыгожваюць наш культурніцкі небасхіл? Паспрабуем разам адказаць на гэтае пытанне.

Аблічча горада. Архітэктура
У гэтым модулі мы пазнаёмімся з тым кірункам мастацкай думкі, які фармаваў аблічча беларускіх гарадоў, і найперш - сталіцы. Народжаны ў Амерыцы, ён вельмі хутка распаўсюдзіўся па Еўропе і прыйшоў у Беларусь, ідэальна спалучыўшыся з новай ідэалогіяй, а таксама - з матэрыяльнымі рэсурсамі маладой краіны. Цяпер вуліцы знаёмага горада адкрыюць вам свае сакрэты: прывычныя абрысы самых звычайных дамоў, аказваецца, захоўваюць у сабе дыханне гісторыі.

Голас маладой рэспублікі. Літаратура
Сёння мы гаворым пра літаратуру. І не толькі “пра” - мы гаворым “з”. З эпохай, з часам, з людзьмі, які яго стваралі, бо літаратура - гэта ёсць агульная рэфлексія, эмацыйны водгук і інтэлектуальны аналіз сучаснасці. Безумоўна, мы не ставім мэтай пераказаць вам усе творы гэтага надзвычай багатага перыяду - мы спадзяемся, што гэты модуль стане своеасаблівым навігатарам для неабыякавага і ўважлівага чытача, які знойдзе сярод названых імёнаў і твораў тыя, якія захоча прачытаць і перачытваць.

Не вер сваім вачам. Жывапіс і графіка
А зараз нас чакае вандроўка ў найбагацейшы свет беларускага жывапісу міжваеннага часу. Гэта сапраўды выбух: менавіта ў гэтыя гады ў Беларусі запальваюцца зоркі сусветна вядомых мастакоў Марка Шагала, Хаіма Суціна, Алексантэры Ахола-Вало, нараджаецца легендарны УНОВІС, расквітае беларуская графіка - калі б мы паклалі ў сусветную мастацкую скарбонку толькі свой міжваенны жывапіс, мы б нават і тады занялі б пачэснае месца сярод нацый-лідараў агульнай культуры. Спадзяемся, што матэрыялы модуля дапамогуць вам распачаць уласны пошук у гэтай неспасцігальнай прасторы авангарду і эксперыментаў.

Як спявае час. Музыка
Гэтая тэма - адна з найменш “раскручаных”: у сеціве надзвычай мала матэрыялаў пра беларускую музыку 1920-х гадоў. Няма таксама грунтоўных біяграфічных даследванняў, прысвечаных міжваенным кампазітарам, спевакам, музыкантам. Для аматараў вольнага пошуку - велізарнае поле для дзейнасці! Праглядзіце і праслухайце матэрыялы модуля - і далучайцеся да росшукаў каштоўных музычных скарбаў эпохі, адкрыццяў і знаходак, а таксама - стварэння адукацыйных ролікаў у сацыяльных сетках, расповедаў пра беларускіх музыкаў і свае ўлюбёныя музычныя творы міжваеннага часу.

Занатаваць эмоцыю. Тэатр
А вось тэатр выкарыстаў магчымасці свайго часу напоўніцу - і за дзесяць год прайшоў шлях ад самадзейных вандроўных тэатральных гурткоў да трох акадэмічных беларускіх тэатраў, унікальнага габрэйскага тэатра, польскай трупы, разгалінаванай тэатральнай крытыкі з вострымі дыскусіямі і адкрытымі абмеркаваннямі спектакляў, з тэатральнымі зоркамі, легендарнымі пастаноўкамі і унікальнымі традыцыямі. Давайце разам адновім гісторыю беларускага тэатра, хаця гэта і надзвычай складаная справа: тэатральны спектакль - як матылёк, жыве толькі ў той час, пакуль ідзе на сцэне, а потым захоўваецца хіба ў памяці ўдзячных гледачоў.

Пераствараючы рэальнасць. Кіно
І нарэшце - кіно. Уявіце сабе, наколькі смелай і крыху вар’яцкай была гэтая ідэя: у рэспубліцы, зруйнаванай войнамі, блага апранутай і паўгалоднай, пачаць здымаць сваё кіно! Не маючы ані грошай, ані тэхнічных спецыялістаў, ані адміністратараў, ані патрэбнай тэхнікі, ані хаця б маленькага, але ўласнага досведу. Але яны і гэта зрабілі! Хто і як распачаў беларускі кінематограф - у матэрыялах апошняга модуля нашага курса.

Вандроўка пачынаецца! Абагульняем матэрыялы курса
Дарагія сябры, насамрэч усё гэта - толькі самы пачатак. Сусвет беларускага міжваеннага мастацтва - бязмежны і неспасцігальны, і цяпер перад вамі адкрытыя ўсе шляхі для самастойнай вандроўкі ў тыя прасторы і глыбіні, якія вабяць менавіта вас. Давайце праверым, наколькі вы падрыхтаваныя для гэтага захапляльнага шляху

Пра курс

Курс “Мастацтва Беларусі 1920х гадоў” – гэта ваш першы крок у захапляльнай па бязмежных прасторах маладога беларускага мастацтва, што было народжана магутным крэатыўным культурным выбухам, справакаваным маштабнымі сацыяльнымі, эканамічнымі і светапогляднымі зменамі супярэчлівай міжваеннай эпохі.

Кожны з модуляў курса складаецца з чатырох частак:

– 1) кароткае відэа, у якім сцісла ахарактаразаваны адзін з відаў мастацтва ў гістарычным ракурсе,

2) спасылку на сервіс для стварэння асноўных ключавых слоў і персаналій азначанага мастацкага кірунка,

3) бібліятэка медыярэсурсаў па тэме модуля,

4) кароткі тэст для самаправеркі па матэрыялах модуля. Напрыканцы курса вы пройдзеце агульны тэст па ўсіх модулях.

Паказаць больш

Даведаецеся аб асноўных кірунках развіцця мастацкай думкі 1920х гадоў ХХ стагоддзя.
Атрымаеце спісы ключавых паняццяў і персаналій, якія спросцяць самастойны пошук па тэме.
Пазнаёміцеся з набыткам даследчыкаў па асноўных пытаннях тэмы.
Навучыцеся арыентавацца з пярэстым сусвеце беларускага міжваеннага мастацтва.
Знойдзеце свой улюбёны мастацкі кірунак, у якім зможаце развівацца самастойна.

0 /5

Vasminoh Admin

5 Курсы

0 /5

H S

1 Курсы

Рэйтынгі і рэцэнзіі ад вучняў

Рэцэнзій пакуль няма

Знайсці курс

Абярыце сваю любімую Катэгорыю І пачынайце навучанне.

Гісторыя і культура

Іншыя школьныя прадметы

Курсы для настаўнікаў

Родная мова і літаратура

Хобі-курсы

Эпоха небяспечнага натхнення. Мастацтва Беларусі 1920-х гадоў

Сярэдні

20h

23

Змест курса

Пра курс

Што вы хацелі бы вучыць?

Матэрыялы ўключаюць

Для каго

Настаўнік

Рэйтынгі і рэцэнзіі ад вучняў

Матэрыялы ўключаюць

Больш курсаў, якія могуць вам спадабацца

Васьміног - адукацыя беларускіх дзяцей сёння і заўтра

Меню

Абярыце сваю любімую
Катэгорыю І пачынайце навучанне.