Нават дарослыя не могуць утрымліваць увагу больш за 15-20 хвілін (калі гэта занятак на паўтары гадзіны, то мозг у пэўны момант “выключаецца” і пераносіць увагу на нешта сваё, а потым улючаецца ў лекцыю. Але калі лекцыя нудная, то і не ўключаецца). Дзеці могуць утрымліваць увагу яшчэ менш. Гэта не таму што яны такія безаказныя, проста ў дзяцячым мазгу яшчэ фарміруюцца долі мозга, якія адказваюць за самакантроль і ўтрымання ўвагі. Таму калі наш настаўнік-супергерой хоча, каб вучні не згубіліся на шляху, варта памятаваць некалькі прынцыпаў:

• Пры планаванні тэарэтычнай часткі занятка, матэрыял важна драбіць загадзя на маленькія кавалкі. Яны прасцей успрымаюцца.
• Адрэзкі занятка, калі настаўнік_ца тлумачыць адзін кавалак, а вучні слухаюць, мусіць быць максімальна кароткім.
• Варта змяняць тыпы дзейнасці: напрыклад, паміж практычнымі і тэарэтычнымі, хуткімі (напрыклад, квіз, апытанне) і павольнымі (самастойная работа).

Калі вы плануеце часткі ўрока, то паспрабуйце пазначыць, колькі па часе займе кожны кавалак працы. Ці не зацягнутыя пэўныя адрэзкі? Потым падумайце, ці гэтая працы хутчэй актыўныя ці пасіўная для вучняў. Гэта дазволіць пазбегнуць “перакосаў” у тэарэтызацыю і бубненне, якое часта здараецца для анлайн-урокаў.

Яшчэ адна распаўсюджаная лавушка для супергерояў – паспрабаваць “уціснуць” у адрэзкі ўрока максімум тэорыі ўа кошт нарастання тэмпа. Напрыклад, калі настаўнік вельмі-вельмі хутка нешта тлумачыць. Гэта таксама артэфакт кантэнтна-арыентаванавага падыхода, калі хочацца накласці максімум кашы. Тады ў дзяцей каша ў галаве. Па-першае, малодшыя вучні ў прынцыпе не вельмі могуць успрымаць зуткую гаворку, вялікая частка з іх увогуле губляецца, выключаецца. Таму эфект часто адваротны: дзеці ведаюць у выніку не больш, а менш. Па-другое, важны прынцып анлайн-навучання: менш азначае больш. Калі вы вылучаеце канткрэтную мэту, канкрэтную ідэю, то больш шанцаў, што гэтыя думкі і веды застануцца з вучнямі надоўга, назаўсёды. Калі вываліць зашмат, то губляецца галоўнае. 

Бывае так, што падчас вандроўкі за асобнымі дрэвамі можна не пабачыць прыгажосць ўсяго лесу. Але ж наш супергерой не патрапіць у гэтую лавушку “болей-болей”?!