Зноў у нас англамоўнае слова, але яно таксама нескладанае. Азначае стварэнне гульні ўнутры навучальнага працэса. Сучасныя сацыяльныя сеткі і мабільныя гульні прывучылі дарослых і дзяцей да механізмаў хуткага пазітыўнага падмацавання. Што гэта азначае? Ты робіш нешта нават незначнае – і адразу атрымліваеш нейкую узагароду. 

Узнагарода можа быць імгненная і адкладзеная. Імгненная: даў правільны адказ – адразу атрымаў ад настаўніка (ці персанажа, ці проста ад сістэмы) пэўныя балы, узнагароды. Адкладзеная: вы выконваеш заданні і, напрыклад, збіраеш кавалкі карты, каб потым знайсці скаваны скарб. 

Гульня можа быць:

• індывідуальная. Вучань працуе сам па сабе і атрымлівае ўзнагароды. Добры варыянт, калі навучанне цалкам асінхроннае.  
• канкурэнтная. Вучні змагаюцца паміж сабой, каб заняць першыя месцы. Варта быць акуратнымі з такой механікай, бо рэйтынгі могуць матываваць некалькіх, але дэматываваць большасць.
• кааператыўная. Вучні робяць нешта разам, ка прайсці нейкі квэс, разам вырашыць задачу.
• канкурэнтна-кааператыўная. Вучні працуюць у групах, дзе ўнутры групы ім важна кааперавацца, але групы спаборнічаюць паміж сабой.

Гейміфікацыя без разумення мэтаў навучання і рэфлексіі не працуе. Важна, каб вучні ведалі, дзеля чаго яны гуляюць.