( 0 Агляд(аў) )

Вучымся чытаць эпас. “Знак бяды” Васіля Быкава

( 0 Агляд(аў) )

Узровень курсу

Прасунуты

Відэа-ўрокі

29

Пачаць навучанне

Змест курса

Уводзіны. Чытанне як сатворчасць. “Штампаваны” Быкаў
Стэрэатыпы, звязаныя з творчасцю Васіля Быкава, пераследуюць чытача ўсё свядомае жыццё. “Быкаў піша пра вайну”, “ваенны пісьменнік”, “пра вайну і вёску”, “лейтэнанцкая проза”, “псіхолаг вайны” - шчэ не чытаўшы чарговай кнігі Васіля Быкава, мы ўжо гатовыя дакладна акрэсліць яе асаблівасці. Шчэ да пачатку чытання мы выбудоўваем вузкі танэль, па якім будзе рухацца нашае ўспрыняцце. Так мы губляем галоўнае: магчымасць сапраўды прачытаць тэкст. У гэтых Уводзінах мы паспрабуем разабрацца, навошта ўвогуле мы чытаем кнігі - і як варта гэта рабіць. На выкананне заданняў модуля вам спатрэбіцца калі гадзіны часу - і адразу пасля яго пачынайце чытаць тэкст аповесці, каб падысці да наступнага модуля ўжо з першымі ўражаннямі ад прачытанай кнігі.

Працоўны сшытак курса “Як чытаць твор Васіля Быкава “Знак Бяды”

Аўтар – прастора – час
У гэтым модулі мы паспрабуем уявіць сабе рэальны (а не мастацкі) гістарычны кантэкст, у якім існуе аповесць. Такі кантэкст складаецца з агульнай гісторыі краіны, якая так ці іначай уплывае на кола тэам і праблем твора, а таксама з прыватнай гісторыі аўтара - ягонай біяграфіі. Суплёт гэтых шырокага і вузкага гістарычных кантэкстаў нараджае тое сэнсавае і фактычнае поле, у якім будзе існаваць думка аўтара. Выкананне заданняў модуля зойме каля 3-4 гадзін.

Аўтар і яго тэкст. Аўтар і яго персанажы
Мы пераходзім да павольнага чытання. Калі раней мы атрымалі першыя ўражанні ад аповесці, сфармавалі і спраўдзілі альбо зняпраўдзілі свае чаканні, зразумелі сюжэт і пазнаёміліся з персанажамі - цяпер мы пачынаем учытвацца ў словы і сказы, заўважаць дробязі, шукаць сімвалы і аўтарскія падказкі, прыхаваныя ў тэксце. Каб не губляць эмацыйнага складніка тэксту, мы дадаем да інтэлектуальных назіранняў назіранні пачуццёвыя, візуальныя, спрабуем асэнсаваць аўтарскую думку не толькі ў словах, але і ў вобразах. На выкананне заданняў модуля вам спатрэбіцца не менш за 2 гадзіны.

Чытач і тэкст
У гэтым модулі мы пачынаем інтэрпрэтаваць, то бок дадаваць да аўтарскіх словаў свае думкі. Цяпер яны складаюцца не з агульных уражанняў ці нашага асабістага досведу, а абапіраюцца на гістарычны кантэкст (агульны і прыватны), на аўтарскі стыль, на падказкі, зробленыя аўтарам. Наша задача - не адрывацца ад тэкста, не сыходзіць у сваіх інтэпрэтацыях далёка ад аўтара, але і не абмяжоўваць сваіх магчымасцяў у расшыфроўцы тэкста. На гэты модуль адвядзіце сабе каля 2 гадзін.

Спачатку было слова… а потым кіно
Нарэшце мы гатовыя пазнаёміцца з чужой інтэрпрэтацыяй Быкаўскай аповесці: з інтэпрэтацыяй рэжысёра і акторскага калектыва. Любое кіно - гэта не літаральны “здымак”, гэта пераасэнсаванне, гэта чужое прачытанне. Мы ўжо умеем аддзяляць аўтарскую думку ад сваёй, цяпер важна адчуць і усвядоміць думку трэцяга чытача - рэжысёра кінафільма. Разам з праглядам стужкі на выкананне заданняў модуля вам спатрэбіцца каля 4 гадзін.

Эпілог для чытача
Здаецца, цяпер мы гатовыя сабраць свае ўражанні і думкі ў агульную карцінку. У гэтым модулі мы згадаем вывучанае і зноў звернемся да матэрыялаў, якія стварылі вы самі, праходзячы заданні курса. Мы складаем пазл - і спрабуем зразумець, ці адрозніваецца цяпер “наш Быкаў” ад Быкава школьнага, стэрэатыпнага. Да якіх бы высноў вы не прыйшлі - у любым выпадку вы будзеце мець рацыю, бо цяпер вашая думка абгрунтаваная пільным, уважлівым чытаннем з апорай на тэкст. Хутчэй за ўсё, вы справіцеся з заданнямі гэтага модуля за 3 гадзіны, але мы спадзяемся, што гутарка з аповесцю не скончыцца для вас яшчэ доўгі час.

Пра курс

Дарагія сапраўдныя чытачы!
Наш курс створаны як для тых, хто ніколі не чытаў аповесць Васіля Быкава “Знак бяды”, так і для тых, хто ўжо мае такі досвед. Але першым мы зайдросцім больш! Бо у вас наперадзе асэнсаванне глыбіні і сімволікі вядомай аповесці, якая часам успрымаецца праз прызму школьных штампаў.

Мы запрашаем вас у падарожжа па старонках аповесці, не, не разам з намі, складальнікамі курса, а разам з аўтарам і ягоным часам, які можна слушна лічаць суаўтарам старонак, што чакаюць менавіта вас.

Мы прапануем вам павольнае асэнсаванае чытанне. Упэўнены, што такое ўспрыманне, дапаможа адкрыць вам “сваё” апавяданне, зусім іншае, чым вы пра яго думалі, ці якім яго ведалі.

Асэнсаванае чытанне навучыць вас, як адкрыць для сябе іншыя, не менш значныя і не менш таленавітыя тэксты, што ёсць у беларускай літаратуры.

Калі ж вы настаўнік, і валодаеце методыкай чытання – вы можаце выкарыстаць матэрыял курса для пабудовы ўласнай сістэмы ўрокаў, дадаць да сваіх распрацовак праблемныя пытанні альбо заданні, якія спадабаюцца вам і пададуцца эфектыўнымі для вашага класа.

Паказаць больш

засваенне мадэлі асэнсаваннага прачытання мастацкага тэксту на прыкладзе аповесці Васіля Быкава “Знак бяды”;
стварэнне асабістай інтэрпрэтацыі мастацкага тэкста ў логіцы “пісьменнік - тэкст - чытач” як асновы для фарміравняя навыкаў асэнсаванага чытання.

Для навучання майце мастацкі тэкст аповесці Васіля Быкава “Знак бяды” у друкаваным ці электронным варыянце.
Калі выданне друкаванае - рознакаляровыя сцікеры.
Працоўны сшытак, спампаваны і раздрукаваны з нашай платформы - у ім вам будзе зручна выконваць заданні, запісваць назіранні і кантраляваць ход думкі.

0 /5

Vasminoh Admin

5 Курсы

Рэйтынгі і рэцэнзіі ад вучняў

Рэцэнзій пакуль няма

Знайсці курс

Абярыце сваю любімую Катэгорыю І пачынайце навучанне.

Гісторыя і культура

Іншыя школьныя прадметы

Курсы для настаўнікаў

Родная мова і літаратура

Хобі-курсы

Вучымся чытаць эпас. “Знак бяды” Васіля Быкава

Прасунуты

29

Змест курса

Працоўны сшытак курса “Як чытаць твор Васіля Быкава “Знак Бяды”

Пра курс

Што вы хацелі бы вучыць?

Патрабаванні

Для каго

Настаўнік

Рэйтынгі і рэцэнзіі ад вучняў

Больш курсаў, якія могуць вам спадабацца

Васьміног - адукацыя беларускіх дзяцей сёння і заўтра

Меню

Абярыце сваю любімую
Катэгорыю І пачынайце навучанне.